കൊച്ചി: പ്രതീക്ഷകള്‍ അവസാനിച്ചതിനാല്‍ അവസാനത്തെ താമസക്കാരനും മരട് ഫ്ളാറ്റുകള്‍ ഒഴിഞ്ഞുപോയി. വര്‍ഷങ്ങളുടെ അധ്വാനം കൊണ്ട് സമ്പാദിച്ചവ ചേര്‍ത്തുവച്ച് വാങ്ങിയ ഫ്ളാറ്റ് ഉപേക്ഷിച്ച് പോകേണ്ടിവരുന്നതിന്‍റെ നിരാശയാണ് ഓരോ മുഖത്തും. മൂന്നംഗ സമിതി റിപ്പോർട്ട് തെറ്റായിരുന്നുവെന്ന് സർക്കാർ കോടതിയെ അറിയിച്ചിരുന്നുവെങ്കിൽ തങ്ങൾക്ക് ഈ ഗതി വരില്ലായിരുന്നുവെന്നാണ് ഫ്ളാറ്റുടമകള്‍ പറയുന്നത്. നീതി നിഷേധത്തിന്‍റെ ഇരകളാണ് തങ്ങളെന്ന് ഹോളി ഫെയ്ത്തിലെ ഫ്ലാറ്റുടമയായ ആന്‍റണി പറഞ്ഞു. അനുയോജ്യമായ താമസ സൗകര്യം ഇതുവരെ ലഭിച്ചിട്ടില്ല. വർഷങ്ങളോളം കഴിഞ്ഞ ഫ്ലാറ്റൊഴിഞ്ഞത് ഏറെ വേദനയോടെയാണെന്നും ആന്‍റണി വിശദീകരിച്ചു.
പ്രതീക്ഷകളും സ്വപ്നങ്ങളും ബാക്കിയാക്കി അവര്‍ ഇറങ്ങി; നീതിലഭിച്ചില്ലെന്ന് മരട് ഫ്ളാറ്റുടമകള്‍