എറണാകുളം:പഴയ ആലുവ - മൂന്നാർ രാജപാതയുടെ ഭാഗമായ തട്ടേക്കാട് - കുട്ടമ്പുഴ റോഡിന്‍റെ വീതി കൂട്ടിയുള്ള നവീകരണ പ്രവർത്തനങ്ങൾ പുരോഗമിച്ചെങ്കിലും ചിലയിടങ്ങളിൽ റോഡിന് ആവശ്യത്തിന് വീതിയില്ലെന്ന് പരാതി. 23 കോടി രൂപ ചിലവിട്ട് 22 മീറ്റർ വീതിയിലാണ് കുട്ടമ്പുഴ-തട്ടേക്കാട് റോഡിന്‍റെ നവീകരണ പ്രവർത്തനങ്ങൾ ആരംഭിച്ചതെങ്കിലും തട്ടേക്കാട് വർക്ക്ഷോപ്പുംപടി ഭാഗത്ത് ഒമ്പത് മീറ്റർ വീതി മാത്രമാണുള്ളത്. കൊടുംവളവായ ഇവിടെ റോഡിന് വീതിയില്ലാത്തത് അപകടങ്ങൾക്ക് കാരണമാകും. 15 മീറ്ററെങ്കിലും റോഡിന് വീതി എല്ലായിടത്തും ഉറപ്പാക്കണമെന്ന് ജില്ലാ കലക്ടറോട് പ്രദേശവാസികൾ ആവശ്യമുന്നയിച്ചിരുന്നു.
തട്ടേക്കാട് - കുട്ടമ്പുഴ റോഡ് നിര്‍മാണത്തിനെതിരെ പരാതി