എറണാകുളം : തിരുവനന്തപുരം സ്വര്‍ണക്കടത്തില്‍ ഒരാള്‍കൂടി എൻഐഎയുടെ പിടിയിലായി. കേസിലെ മുഖ്യ സൂത്രധാരനായ ഫൈസല്‍ ഫരീദിന്‍റെ സഹായി, കോഴിക്കോട് തിരുവമ്പാടി സ്വദേശി മുഹമ്മദ് മൻസൂര്‍ (37) ആണ് അറസ്റ്റിലായത്.
ദൂബായില്‍ നിന്നെത്തിയ ഇയാളെ കരിപ്പൂർ വിമാനത്താവളത്തില്‍ നിന്നാണ് കസ്റ്റഡിയിലെടുത്തത്. യുഎഇ കോണ്‍സുലേറ്റിന്‍റെ വിലാസത്തിലെത്തിയ പാഴ്‌സലിലൂടെ 14.82 കോടി രൂപ വിലമതിക്കുന്ന 30 കിലോ സ്വര്‍ണം കടത്തിയെന്ന കേസിലാണ് എൻഐഎയുടെ നടപടി.