എറണാകുളം : താരസംഘടനയായ അമ്മയുടെ പ്രസിഡന്‍റ് സ്ഥാനത്തേക്ക് മോഹൻലാൽ വീണ്ടും തെരഞ്ഞെടുക്കപ്പെട്ടു. എതിരില്ലാതെയാണ് മോഹൻലാൽ വീണ്ടും അമ്മയുടെ പ്രസിഡന്‍റാകുന്നത്. ജനറൽ സെക്രട്ടറി ഇടവേള ബാബു, ജോയിന്‍റ് സെക്രട്ടറി ജയസൂര്യ, ട്രഷറർ സിദ്ദിഖ് എന്നിവരും എതിരില്ലാതെ വിജയിച്ചു. ഔദ്യോഗിക പ്രഖ്യാപനം ഈ മാസം പത്തൊമ്പതിന് നടക്കുന്ന ജനറൽ ബോഡി യോഗത്തിൽ നടക്കും.
അതേസമയം വൈസ് പ്രസിഡന്‍റ്, എക്‌സിക്യുട്ടീവ് സ്ഥാനങ്ങളിലേക്ക് വോട്ടെടുപ്പ് നടക്കും. രണ്ട് വൈസ് പ്രസിഡന്‍റ് സ്ഥാനങ്ങളിലേക്ക് ആശ ശരത്ത്, മണിയൻ പിള്ള രാജു, ശ്വേത മേനോൻ എന്നിവരാണ് മത്സര രംഗത്തുള്ളത്. ഇതിൽ ജനറൽ ബോഡി അംഗങ്ങളിൽ കൂടുതൽ പേർ വോട്ട് ചെയ്യുന്ന രണ്ട് പേരെയാണ് തെരഞ്ഞെടുക്കുക.