എറണാകുളം: പ്ലാമുടിയിൽ വീട്ടമ്മയെ പുലി ആക്രമിച്ച സംഭവത്തില്‍ പ്രദേശവാസികൾ വനം വകുപ്പിന് എതിരെ സമരത്തിനൊരുങ്ങുന്നു. കഴിഞ്ഞ ദിവസം പുലിയുടെ ആക്രമണത്തിൽ പ്ലാമുടി ചേറ്റൂർ മാത്യുവിന്‍റെ ഭാര്യ റോസിക്ക് പരിക്കേറ്റിരുന്നു. രാത്രിയും പകലും പുലിയുടെ ആക്രമണം നടക്കുമ്പോഴും വനംവകുപ്പ് നടപടി സ്വീകരിക്കാത്ത സാഹചര്യത്തിലാണ് പ്രദേശവാസികളുടെ പ്രതിഷേധം.
വീട്ടമ്മക്ക് നേരെയുണ്ടായ പുലിയാക്രമണം; വനം വകുപ്പിനെതിരെ സമരത്തിനൊരുങ്ങി പ്രദേശവാസികൾ
വനം വകുപ്പിന്‍റെ അനാസ്ഥക്കെതിരെ യുഡിഎഫിന്‍റെ നേതൃത്വത്തിൽ ശക്തമായ ജനകീയ സമരം സംഘടിപ്പിക്കുമെന്ന് കോതമംഗലം ബ്ലോക്ക് പഞ്ചായത്ത് പ്രസിഡന്‍റ് പിഎഎം ബഷീർ പറഞ്ഞു.