എറണാകുളം: ഹൈക്കോടതി വിധി അനുകൂലമാകുമെന്ന് തന്നെയാണ് പ്രതീക്ഷിച്ചിരുന്നതെന്ന് കോടഞ്ചേരിയിലെ മിശ്രവിവാഹ ദമ്പതികളായ ജോയ്‌സ്‌നയും ഷെജിനും. 18 വയസ് പൂർത്തിയായ തങ്ങൾക്ക് ഇഷ്‌ട പ്രകാരം ജീവിക്കാനുള്ള അവകാശമുണ്ടെന്നും താമശ്ശേരി കോടതിയിൽ നൽകിയ മൊഴി ആവർത്തിക്കുകയായിരുന്നുവെന്നും ഇരുവരും വ്യക്‌തമാക്കി.
സമാധാനമായി ജീവിക്കണം; മാതാപിതാക്കളെ കണ്ട് കാര്യങ്ങൾ ബോധ്യപ്പെടുത്തുമെന്ന് ജോയ്‌സ്‌ന
ജോയ്‌സ്‌നയെ വിവാഹം കഴിച്ച ശേഷം ഉപ്പയുടെ അനുജന്‍റെ വീട്ടിലായിരുന്നു തങ്ങൾ ഉണ്ടായിരുന്നത്. എന്നാൽ തങ്ങൾ എസ്.ഡി.പി.ഐ കേന്ദ്രത്തിലാണെന്നാണ് ജനം ടി.വി വാർത്ത നൽകിയത്. ഇത്തരത്തിൽ തെറ്റായ നിരവധി വാർത്തകളാണ് പ്രചരിപ്പിക്കപ്പെട്ടത്.