എറണാകുളം: കർഷക സമരത്തിന് മുന്നിൽ കേന്ദ്രത്തിനു മുട്ടുമടക്കേണ്ടി വന്നതായി പ്രതിപക്ഷ നേതാവ് വി.ഡി സതീശൻ (VD Satheesan). കരി നിയമങ്ങൾ (Farm Laws) പിൻവലിച്ചത് (Repeal of farm laws) മറ്റു വഴികൾ മുന്നിൽ ഇല്ലാത്തതുകൊണ്ടാണ്. കർഷകരുടെ വിജയമാണ് കേന്ദ്രത്തിന്‍റെ മനംമാറ്റം. കോൺഗ്രസ് പാർലമെന്‍റിന് അകത്തും പുറത്തും നടത്തിയ സമരങ്ങൾ ശരിയാണെന്ന് തെളിഞ്ഞിരിക്കുകയാണെന്നും പ്രതിപക്ഷ നേതാവ് പറഞ്ഞു.
വിഡി സതീശന്‍ മാധ്യമങ്ങളോട് പ്രതികരിക്കുന്നു
ദൈവത്തിൽ വിശ്വസിക്കാനും വിശ്വസിക്കാതിരിക്കാനും എല്ലാവർക്കും സ്വാതന്ത്ര്യമുണ്ട്. ദൈവത്തിൽ വിശ്വസിക്കണം എന്ന് ഒരാളെയും നിർബന്ധിക്കാൻ കഴിയില്ല. എന്നാൽ വിശ്വാസം ഇല്ലാത്ത ഒരാൾക്ക് ദേവസ്വം വകുപ്പ് കൊടുക്കേണ്ടതുണ്ടോയെന്ന് സർക്കാരായിരുന്നു ആലോചിക്കേണ്ടിയിരുന്നതെന്നും ദേവസ്വം മന്ത്രിയുടെ ശബരിമല ദർശനവുമായി ബന്ധപ്പെട്ട വിവാദത്തിൽ പ്രതിപക്ഷ നേതാവ് പ്രതികരിച്ചു.