എറണാകുളം: ജസ്റ്റിസ് വി.ആര്‍ കൃഷ്ണയ്യരുടെ എറണാകുളത്തെ വീട് ഏറ്റെടുത്ത് സ്‌മാരകം നിര്‍മിക്കുമെന്ന് വ്യവസായവകുപ്പ് മന്ത്രി പി.രാജീവ്. വി.ആര്‍ കൃഷ്ണയ്യര്‍ വിശ്രമജീവിതം നയിച്ച എറണാകുളം എം.ജി റോഡിന് സമീപത്തെ വസതി സദ്ഗമയ സന്ദര്‍ശിച്ചു സംസാരിക്കുകയായിരുന്നു മന്ത്രി. കേരളത്തിലെ ആദ്യ നിയമ മന്ത്രിയും സുപ്രീം കോടതി ജഡ്‌ജിയുമായിരുന്ന വി.ആർ കൃഷണയ്യർ റിട്ടയർമെന്‍റിന് ശേഷം വിശ്രമജീവിതം നയിച്ചിരുന്ന വീടാണ് സദ്ഗമയ.
ജസ്റ്റിസ് വി.ആര്‍ കൃഷ്ണയ്യർക്ക് സ്‌മാരകം നിര്‍മിക്കുന്നതിനെക്കുറിച്ചു സര്‍ക്കാര്‍ ആലോചിച്ചു കൊണ്ടിരിക്കുകയായിരുന്നു. ഇതിനിടയിലാണ് വീട് വില്‍ക്കുന്നതുമായി ബന്ധപ്പെട്ട വാര്‍ത്ത സര്‍ക്കാരിന്‍റെ ശ്രദ്ധയില്‍പ്പെട്ടത്. സര്‍ക്കാര്‍ ഈ വീടും സ്ഥലവും ഏറ്റെടുക്കാന്‍ തയ്യാറാണെന്ന് കൃഷ്ണയ്യരുടെ മക്കളെ അറിയിക്കുകയായിരുന്നു.
ജസ്റ്റിസ് വി.ആര്‍ കൃഷ്ണയ്യരുടെ 'സദ്ഗമയ' വീട് ഏറ്റെടുത്ത് സ്‌മാരകമാക്കുമെന്ന് പി.രാജീവ്