എറണാകുളം: കൊച്ചിയിൽ നിന്നും കഴിഞ്ഞ ദിവസം തോക്കുകൾ പിടികൂടിയ സംഭവത്തിൽ പൊലീസ് കേസെടുത്തു. എടിഎമ്മിൽ പണം നിറക്കുന്നതിന് സുരക്ഷ നൽകുന്ന സ്വകാര്യ ഏജൻസിയുടെ 19 തോക്കുകളായിരുന്നു പിടികൂടിയത്. തോക്കിന് ലൈസൻസ് ഇല്ലെന്ന് കണ്ടെത്തിയതിനെ തുടർന്നാണ് നടപടി.
ആയുധ നിരോധന നിയമപ്രകാരമാണ് കേസ്. തോക്ക് കൈവശം വച്ചവർക്കെതിരെയും ഏജൻസിക്കും എതിരെയാണ് കേസെടുത്തത്. കളമശ്ശേരി പൊലീസ് രജിസ്റ്റർ ചെയ്‌ത കേസിൽ പ്രതികളെ ഉടൻ അറസ്റ്റ് ചെയ്യും.