എറണാകുളം: ആലുവയിൽ ഗാർഹിക പീഡനത്തെ തുടർന്ന് ആത്മഹത്യ ചെയ്‌ത നിയമ വിദ്യാർഥി മോഫിയ പർവീണിന്‍റെ വീട് സന്ദര്‍ശിച്ച് ഗവര്‍ണര്‍. മോഫിയയുടെ മാതാപിതാക്കളുമായി ആരിഫ് മുഹമ്മദ് ഖാന്‍ ആശയവിനിമയം നടത്തി. മകളെ നഷ്ട്ടപ്പെട്ട ദുഖം വൈകാരികമായി പ്രകടിപ്പിച്ച മോഫിയയുടെ ഉമ്മയെ ഗവർണർ ചേർത്തുപിടിച്ച് ആശ്വസിപ്പിച്ചു.
മോഫിയയുടെ മരണം ദുഖകരമായ സംഭവമാണെന്ന് ഗവർണർ പറഞ്ഞു. സ്ത്രീധനത്തിനെതിരെ ജനങ്ങളിൽ അവബോധം സൃഷ്‌ടിക്കണം. സ്ത്രീധനമെന്ന രീതി ഇല്ലാതാക്കണം. സ്ത്രീ സുരക്ഷയ്ക്കായി പതിനെട്ട് നിയമങ്ങൾ നിലവിലുണ്ട്. എന്നിട്ടും ഇത്തരം സംഭവങ്ങൾ ആവർത്തിക്കപ്പെടുകയാണെന്നും ഗവർണർ ചൂണ്ടിക്കാട്ടി.
മോഫിയ പർവീണിന്‍റെ വീട് ഗവർണർ ആരിഫ് മുഹമ്മദ് ഖാന്‍ സന്ദർശിക്കുന്നു
കേരളത്തിലേത് രാജ്യത്തെ മികച്ച പൊലീസ് സംവിധാനം