എറണാകുളം:ഔഷധി ചെയർമാൻ ഡോ. കെ ആർ വിശ്വംഭരന്‍റെ മൃതദേഹം സംസ്‌കരിച്ചു. ഔദ്യോഗിക ബഹുമതികളോടെ പച്ചാളം പൊതു ശ്‌മശാനത്തിലാണ് സംസ്‌കാരം നടന്നത്. ഇടപ്പള്ളിയിലെ വസതിയിലെത്തി സാമൂഹത്തിന്‍റെ വ്യത്യസ്‌ത മേഖലയിലുള്ളവർ അദ്ദേഹത്തിന് അന്തിമോപചാരം അർപ്പിച്ചു.
മസ്‌തിഷ്‌കാഘാതത്തെ തുടർന്ന് കൊച്ചിയിലെ ആശുപത്രിയിൽ ചികിത്സയിൽ കഴിയുകയായിരുന്ന വിശ്വംഭരൻ വെള്ളിയാഴ്‌ച രാവിലെ 10 മണിയോടെ കൊച്ചിയിൽ സ്വകാര്യ ആശുപത്രിയിൽ വെച്ചാണ് മരണപ്പെട്ടത്. ആലപ്പുഴ, എറണാകുളം ജില്ലകളുടെ കലക്ടറായും കേരള കാര്‍ഷിക സര്‍വകലാശാല വൈസ് ചാന്‍സലറായും അദ്ദേഹം സേവനമനുഷ്ഠിച്ചിട്ടുണ്ട്.
ഔഷധി ചെയർമാൻ ഡോ. കെ.ആർ വിശ്വംഭരന്‍റെ മൃതദേഹം സംസ്‌കരിച്ചു