എറണാകുളം: കുന്നത്തുനാട്ടില്‍ ചുഴലിക്കാറ്റില്‍ വ്യാപക നാശനഷ്ടം. ചൊവ്വാഴ്‌ച പുലര്‍ച്ചെ നാലേകാലോടു കൂടിയാണ് ചുഴലിക്കാറ്റുണ്ടായത്. മഴുവന്നൂർ പ‍ഞ്ചായത്തിലെ വലമ്പൂർ, തട്ടാംമുകൾ, കണ്ണിക്കാട്ടുമോളം, വീട്ടൂർ, താണിമോളം മേഖലകളിലാണ് നാശം വിതച്ചത്.
വലിയ ശബ്‌ദത്തോടെയുണ്ടായ ചുഴലിക്കാറ്റിൽ വൻ മരങ്ങള്‍ കടപുഴകി വീടുകളുടെ മുകളില്‍ പതിച്ചു. തെങ്ങ്, കവുങ്ങ്, ജാതി തുടങ്ങിയ കാർഷിക വിളകൾ പൂർണമായും നശിച്ചു. ചുഴലിക്കാറ്റില്‍ നൂറിലധികം വൈദ്യുതി പോസ്റ്റുകളാണ് തകര്‍ന്നത്. പ്രദേശത്തെ വൈദ്യുത ബന്ധം പൂർണമായും നിലച്ചിരിയ്ക്കുകയാണ്.