കണ്ണൂര്‍: തളിപ്പറമ്പ് തലോറയിലെ കുടുംബങ്ങള്‍ ഈച്ച ശല്യം മൂലം ദുരിതത്തില്‍. പ്രദേശത്തുള്ള കാട, കോഴി വളര്‍ത്തല്‍ കേന്ദ്രത്തിലെ മാലിന്യം കൃത്യമായി സംസ്‌കരിക്കാത്തതാണ് ഈച്ചശല്യത്തിന് കാരണം. നാട്ടുകാരുടെ പരാതിയില്‍ പരിയാരം പഞ്ചായത്ത് അധികൃതർ സ്ഥലത്തെത്തി പരിശോധന നടത്തി. വീടുകളുടെ റൂമുകള്‍, അടുക്കള, പാത്രങ്ങള്‍ തുടങ്ങി കഴിക്കുന്ന ഭക്ഷണത്തിൽ പോലും ഈച്ചയാണ്. കുട്ടികളും മുതിർന്നവരും അടക്കം നിരവധി പേർ നല്ല രീതിയിൽ ഭക്ഷണം കഴിച്ചിട്ടും ഉറങ്ങിയിട്ടും ദിവസങ്ങളായി.
പൗള്‍ട്രി ഫാം മാലിന്യം കൃത്യമായി സംസ്‌കരിക്കുന്നില്ല, ഈച്ച ശല്യം മൂലം ദുരിതമനുഭവിച്ച് തലോറ നിവാസികള്‍