കെ.പി മോഹനനും എ.പി അബ്‌ദുള്ളക്കുട്ടിയും വോട്ട് രേഖപ്പെടുത്തി

കെ.പി മോഹനൻ പുത്തൂർ എൽപി സ്‌കൂളിലും, എ.പി അബ്‌ദുള്ളക്കുട്ടി രാധാവിലാസം സ്‌കൂളിലുമാണ് വോട്ട് രേഖപ്പെടുത്തിയത്

കണ്ണൂർ:കൂത്തുപറമ്പ് എൽഡിഎഫ് സ്ഥാനാർഥി കെ.പി മോഹനൻ വോട്ട് രേഖപ്പെടുത്തി. പതിവ് പോലെ പുത്തൂർ എൽപി സ്‌കൂളിൽ 83-ാം നമ്പർ ബൂത്തിൽ ആദ്യ വോട്ടറായാണ് കെ.പി മോഹനൻ ഇത്തവണയും എത്തിയത്. പി.ആർ കുറുപ്പ് മത്സര രംഗത്തുള്ളപ്പോൾ ബൂത്തിലെ ആദ്യവോട്ട് അദ്ദേഹമായിരുന്നു രേഖപ്പെടുത്താറ്. ആ പതിവ് തെറ്റിക്കാതെ മകൻ മോഹനനും ബൂത്തിൽ ആദ്യവോട്ട് രേഖപ്പെടുത്തി. വൻ ഭൂരിപക്ഷത്തിൽ വിജയിക്കുമെന്ന് കെ.പി.മോഹനൻ പ്രതികരിച്ചു.

അതേസമയം എൻഡിഎ സ്ഥാനാർഥി എ.പി അബ്‌ദുള്ളക്കുട്ടി പള്ളിക്കുന്ന് വോട്ട് രേഖപ്പെടുത്തി. രാധാവിലാസം സ്‌കൂളിലാണ് അദ്ദേഹം വോട്ട് രേഖപ്പെടുത്തിയത്.