കണ്ണൂർ : കണ്ണൂർ വി.സി ഡോ ഗോപിനാഥ് രവീന്ദ്രന് വധ ഭീഷണിക്കത്ത്. മാവോയിസ്റ്റ് കബനി ദളത്തിന്‍റെ പേരിൽ ഉള്ള കത്ത് കണ്ണൂർ ടൗണിൽ പോസ്റ്റ് ചെയ്തതാണ്. വി.സിയുടെ ശിരസ് ഛേദിച്ച് സർവകലാശാല ആസ്ഥാനത്ത് വയ്ക്കുമെന്നാണ് കത്തിന്‍റെ ഉള്ളടക്കം. മലയാളം വാക്കുകൾ ഇംഗ്ലീഷ് അക്ഷരങ്ങളിൽ ടൈപ്പ് ചെയ്‌ത കത്ത് കണ്ണൂർ സർവകലാശാലയുടെ വിലാസത്തിലാണ് ലഭിച്ചത്.
നേരത്തെ ഡോ ഗോപിനാഥ് രവീന്ദ്രന് കണ്ണൂർ വിസിയായി പുനർ നിയമനം നൽകിയതിനെച്ചൊല്ലി സംസ്ഥാന സർക്കാരും ഗവർണറും കൊമ്പുകോർത്തിരുന്നു. നിയമനം തെറ്റായ കീഴ്‌വഴക്കത്തിലൂടെയായിരുന്നെന്നും നിയമലംഘനമാണെന്നും കാണിച്ച് ഗവർണർ മുന്നോട്ട് വന്നെങ്കിലും സംസ്ഥാന സർക്കാരിന്‍റെ വാദങ്ങൾ ഹൈക്കോടതി ശരിവച്ചിരുന്നു.