കള്ളവോട്ട്: കണ്ണൂരിൽ പത്ത് പേര്‍ക്കെതിരെ കേസെടുത്തു
ഒന്‍പത് ലീഗ് പ്രവര്‍ത്തകര്‍ക്കെതിരെയും ഒരു സിപിഎം പ്രവര്‍ത്തകന് എതിരെയും പൊലീസ് കേസെടുത്തു
പ്രതീകാത്മക ചിത്രം
കണ്ണൂർ: കണ്ണൂരിലെ കള്ളവോട്ടില്‍ 10 പേര്‍ക്കെതിരെ പൊലീസ് കേസ് രജിസ്ട്രര്‍ ചെയ്തു. പാമ്പുരുത്തിയിൽ കള്ളവോട്ട് ചെയ്ത ഒന്‍പത് ലീഗ് പ്രവർത്തകർക്കെതിരെ പൊലീസ് കേസെടുത്തു. മുഖ്യമന്ത്രി പിണറായി വിജയന്‍റെ മണ്ഡലമായ ധർമ്മടത്ത് കള്ളവോട്ട് ചെയ്ത സിപിഎം പ്രവർത്തകനെതിരെയും കേസ് രജിസ്റ്റർ ചെയ്തു. പാമ്പുരുത്തി മാപ്പിള സ്കൂളിൽ കള്ളവോട്ട് ചെയ്ത ലീഗ് പ്രവർത്തകരായ അബ്ദുല്‍ സലാം, മർഷദ്, ഉനിയാസ് കെ. പി, കെ. മുഹമ്മദ് അനസ്, മുഹമ്മദ് അസ്‌ലം, അബ്ദുല്‍ സലാം, സാദിഖ് കെ. പി, ഷമൽ, മുബഷിർ എന്നിവർക്കെതിരെയാണ് മയ്യിൽ പൊലീസ് കേസെടുത്തത്. ധർമ്മടത്തെ വേങ്ങാട് പഞ്ചായത്തിൽ 52-ാം ബൂത്തിൽ കള്ളവോട്ട് ചെയ്ത സിപിഎം പ്രവർത്തകനായ സായൂജിനെതിരെ കൂത്ത്പറമ്പ് പൊലീസാണ് കേസെടുത്തത്. ഇന്ത്യൻ ശിക്ഷാ നിയമം സെക്ഷൻ 171 സി ഡി എഫ് പ്രകാരമാണ് പ്രതികൾക്കെതിരെ ക്രിമിനൽ കേസെടുത്തത്.
Last Updated : May 11, 2019, 4:51 PM IST