കണ്ണൂര്‍: കണ്ണൂര്‍ ഗവണ്‍മെന്‍റ് മെഡിക്കല്‍ കോളജില്‍ ചികിത്സയിലായിരുന്ന എണ്‍പത്തൊന്നുകാരനായ കൊവിഡ് രോഗിയും രോഗവിമുക്തി നേടി. ചെറുവാഞ്ചേരി സ്വദേശിയായ ഷംസുദ്ദീനാണ് ഇന്ന് ആശുപത്രി വിട്ടത്. അടുപ്പിച്ച് രണ്ട് ദിവസം നടത്തിയ സ്രവപരിശോധന നെഗറ്റീവായിരുന്നു. ഏപ്രില്‍ മൂന്നിനാണ് ഇദ്ദേഹത്തെ ആശുപത്രിയില്‍ പ്രവേശിപ്പിച്ചത്. ഷംസുദ്ദീന്‍റെ കുടുംബത്തിലെ മറ്റ് പത്തുപേര്‍ക്കും കൊവിഡ് പോസിറ്റീവായിരുന്നു. ഇവരെല്ലാം തന്നെ രോഗവിമുക്തി നേടിയപ്പോഴും ഷംസുദ്ദീന്‍റെ നില ആശങ്കാജനകമായി തുടരുകയായിരുന്നു.
കൊവിഡിനെ അതിജീവിച്ച എണ്‍പത്തിയൊന്നുകാരന്‍ ആശുപത്രി വിട്ടു