കണ്ണൂർ: പ്രവാചക നിന്ദ ചർച്ചയായ സാഹചര്യത്തിൽ മത സൗഹാർദം തകർക്കുന്ന രീതിയിൽ പ്രഭാഷണം പാടില്ലെന്ന് നിര്‍ദേശിച്ച് മയ്യിൽ പൊലീസ് എസ്എച്ച്ഒ പള്ളി കമ്മിറ്റികൾക്ക് നൽകിയ കത്ത് വിവാദത്തിൽ. സർക്കുലർ വിവാദമായതോടെ ഉദ്യോഗസ്ഥനെ തൽസ്ഥാനത്ത് നിന്ന് നീക്കി. വർഗീയ പ്രഭാഷണം നടന്നാൽ നിയമ നടപടി എടുക്കുമെന്നും കത്തിൽ വ്യക്തമാക്കിയിരുന്നു.
ജുമുഅ പ്രഭാഷണങ്ങള്‍ക്ക് നിയന്ത്രണം ഏർപ്പെടുത്തി കത്ത്; എസ്എച്ച്ഒയെ തൽസ്ഥാനത്ത് നിന്ന് നീക്കി
സർക്കുലറിനെതിരെ മുസ്‌ലിം ലീഗും എസ്‌ഡിപിഐയും രംഗത്തെത്തി. കത്തിനെതിരെ മുസിലിം സംഘടന നേതാക്കൾ പൊലീസ് കമ്മിഷണറെ കണ്ടിരുന്നു. വിവാദ സർക്കുലറിൽ അന്വേഷണം വേണമെന്ന നിലപാടിലാണ് സുന്നി മഹല്ല് ഫെഡറേഷൻ. ആഭ്യന്തര വകുപ്പ് നയം വ്യക്തമാക്കണമെന്ന് സുന്നി മഹല്ല് ഫെഡറേഷൻ കണ്ണൂർ ജില്ല ജനറൽ സെക്രട്ടറി അബ്ദുല്‍ മജീദ് ബാഖി പറഞ്ഞു.