വയനാട്ടിൽ ഇന്ന് 81 പേര്‍ക്ക് കോവിഡ് - കൊവിഡ്19
ജില്ലയില്‍ കൊവിഡ് സ്ഥിരീകരിച്ചവരുടെ ആകെ എണ്ണം 3974 ആയി. 2865 പേര്‍ ഇതുവരെ രോഗമുക്തരായി. നിലവില്‍ 1088 പേരാണ് ചികിത്സയിലുള്ളത്.
വയനാട്:ജില്ലയില്‍ ഇന്ന് 81 പേര്‍ക്ക് കൊവിഡ് 19 സ്ഥിരീകരിച്ചു. 92 പേര്‍ രോഗമുക്തി നേടി. രോഗം സ്ഥിരീകരിച്ചവരില്‍ 13 പേര്‍ ഇതര സംസ്ഥാനങ്ങളില്‍ നിന്ന് എത്തിയവരാണ്. രണ്ട് ആരോഗ്യപ്രവര്‍ത്തകരും മാനന്തവാടി സ്വദേശിയായ ഒരു മാധ്യമപ്രവര്‍ത്തകനും ഉള്‍പ്പെടെ 68 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 3974 ആയി. 2865 പേര്‍ ഇതുവരെ രോഗമുക്തരായി. നിലവില്‍ 1088 പേരാണ് ചികിത്സയിലുള്ളത്.
രോഗം സ്ഥിരീകരിച്ചവര്‍:
മേപ്പാടി സ്വദേശികള്‍ 11, കണിയാമ്പറ്റ സ്വദേശികള്‍ 10, കല്‍പ്പറ്റ സ്വദേശികള്‍ എട്ട്, തവിഞ്ഞാല്‍, തൊണ്ടര്‍നാട് സ്വദേശികളായ ഏഴുപേര്‍ വീതം, മുട്ടില്‍, പനമരം സ്വദേശികളായ അഞ്ചുപേര്‍ വീതം, വേങ്ങപ്പള്ളി സ്വദേശികള്‍ മൂന്ന്, മാനന്തവാടി, ബത്തേരി, തരിയോട് സ്വദേശികളായ രണ്ട് പേര്‍, അമ്പലവയല്‍, കോട്ടത്തറ, മീനങ്ങാടി, മുള്ളന്‍കൊല്ലി, നൂല്‍പ്പുഴ, വെള്ളമുണ്ട സ്വദേശികളായ ഓരോരുത്തര്‍ എന്നിവരാണ് സമ്പര്‍ക്കത്തിലൂടെ രോഗബാധിതരായത്.
തമിഴ്‌നാട്ടില്‍ നിന്ന് വന്ന മൂന്ന് കല്‍പ്പറ്റ സ്വദേശികള്‍, പശ്ചിമബംഗാളില്‍ നിന്ന് വന്ന മൂപ്പൈനാട് സ്വദേശി, ബാംഗ്ലൂരില്‍ നിന്ന് വന്ന മുള്ളന്‍കൊല്ലി സ്വദേശി, പശ്ചിമബംഗാളില്‍ നിന്ന് വന്ന പനമരം സ്വദേശികള്‍, ഹൈദരാബാദില്‍ നിന്ന് വന്ന പുല്‍പ്പള്ളി സ്വദേശി എന്നിവരാണ് ഇതര സംസ്ഥാനങ്ങളില്‍ നിന്ന് എത്തി രോഗബാധിതരായത്.