സിസ്റ്റര് ലൂസിയുടെ ആരോപണം തള്ളി സഭാ അധികൃതര്‍ - ലൂസി കളപ്പുര
സിസ്റ്ററിന്‍റേത് സഭയെ താറടിച്ചു കാണിക്കാനുള്ള ശ്രമമാണെന്നും, മഠത്തിനുള്ളിൽ സിസ്റ്റർ ലൂസിയെ പൂട്ടിയിട്ടവെന്ന ആരോപണം സഭക്കെതിരെയുള്ള ഗൂഢാലോചനയാണെന്നും ഫ്രാൻസിസ്കൻ ക്ലാരിസ്റ്റ് സന്യാസിനി സഭ
ലൂസി കളപ്പുരയ്ക്കലിനെതിരായ അപവാദപ്രചാരണം ; സിസ്റ്റര് നുണ പറയുന്നതാണെന്ന് എഫ്.സി.സി കോൺഗ്രിഗേഷൻ
വയനാട്:സിസ്റ്റർ ലൂസി കളപ്പുരക്കലിന്‍റെ ആരോപണം തള്ളി ഫ്രാൻസിസ്കൻ ക്ലാരിസ്റ്റ് സന്യാസിനി സഭ. "സിസ്റ്റർ പൊലീസിന് നൽകിയ പരാതിയിൽ പറയുന്ന കാര്യങ്ങൾ അവാസ്‌തവമാണ്, എഫ്.സി.സി യെ താറടിച്ചു കാണിക്കാനുള്ള ശ്രമമാണിത്. മഠത്തിനുള്ളിൽ സിസ്റ്റര് ലൂസിയെ പൂട്ടിയിട്ടു എന്ന ആരോപണം സഭക്കെതിരെയുള്ള ഗൂഢാലോചനയാണ്. ഫാദർ നോബിളിന് സിസിടിവി ദൃശ്യങ്ങൾ നൽകിയത് മഠത്തിന്‍റെ ചുമതലയിലുള്ളവർ തന്നെയാണ്. എഫ്.സി.സി യുടെ കീഴിലുള്ള മഠങ്ങൾ ആർക്കും അനുവാദം കൂടാതെ കയറി ഇറങ്ങാനുള്ള പൊതു ഇടങ്ങളല്ല. മഠത്തിൽ പ്രവേശിക്കാൻ മദർ സുപ്പീരിയറിന്‍റെ അനുമതി വാങ്ങേണ്ടതുണ്ട്. ഇതില്ലാതെ മഠത്തിലും പരിസരത്തും അതിക്രമിച്ചു കയറുന്നവർക്കെതിരെ നിയമനടപടി സ്വീകരിക്കും" - വിശദീകരണക്കുറിപ്പിൽ പറയുന്നു.