വയനാട്: മാനന്തവാടിക്കടുത്ത് തലപ്പുഴയിൽ പോപ്പുലര്‍ ഫ്രണ്ട് പ്രവര്‍ത്തകരെ തലപ്പുഴ പൊലീസ് മർദിച്ചതായി പരാതി. പോപ്പുലർ ഫ്രണ്ട് ഏരിയാ സെക്രട്ടറിയും പീച്ചംകോട് മക്കി അബ്ദുല്ലയുടെ മകനുമായ ഇഖ്ബാല്‍(34). പീച്ചംകോട് കുന്നക്കാടന്‍ മരക്കാര്‍ മകന്‍ ഷമീര്‍(39) എന്നിവര്‍ക്കാണ് സാരമായി പരിക്കേറ്റത്. ആക്രിക്കടയില്‍ ബൈക്കിന്‍റെ സ്പെയര്‍ പാര്‍ട്സ് വാങ്ങാന്‍ നില്‍ക്കുകയായിരുന്ന ഇരുവരെയും മുഖത്തെ മാസ്ക് നീങ്ങിയെന്ന് ആരോപിച്ച് കസ്റ്റഡിയിലെടുക്കുകയായിരുന്നു. പേര് ചോദിച്ചറിഞ്ഞതിന് ശേഷം ബലമായി സ്റ്റേഷനിലേക്ക് കൊണ്ടു പോയി മർദിച്ചുവെന്നുമാണ് ആരോപണം.
പോപ്പുലര്‍ ഫ്രണ്ട് പ്രവര്‍ത്തകരെ പൊലീസ് മർദിച്ചതായി പരാതി