ആലപ്പുഴ: സ്വർണക്കടത്ത് കേസിൽ മന്ത്രി കെ.ടി ജലീൽ എൻഫോഴ്‌സ്‌മെന്‍റ് ഡയറക്‌ടറേറ്റിന് മുമ്പിൽ അതീവ രഹസ്യമായി ഹാജരായത് ഹജ്ജ് കമ്മിറ്റി അംഗവും അരൂരിലെ വ്യവസായിയുമായ അനസിന്‍റെ വീട്ടിൽ നിന്നായിരുന്നുവെന്ന് കണ്ടെത്തൽ. അനസിന്‍റെ ഉടമസ്ഥതയിലുള്ള ഇന്നോവ ക്രിസ്റ്റയിലാണ് മന്ത്രി ജലീൽ ചോദ്യം ചെയ്യലിനായി എത്തിയത്. മന്ത്രിയുടെ വിശ്വസ്തനും സുഹൃത്തുമായ ഈ വ്യവസായിയുടെ അരൂർ ക്ഷേത്രത്തിന് സമീപമുള്ള വീട്ടിലാണ് മന്ത്രി ആദ്യമെത്തിയത്. അവിടെനിന്ന് സ്വകാര്യ വാഹനത്തിൽ എറണാകുളത്തേക്ക് തിരിക്കുകയായിരുന്നു. അനസിന്‍റെ കാറിൽ മന്ത്രി കൊച്ചിയിലേക്ക് പോകുന്നതിന്‍റെ സിസിടിവി ദൃശ്യങ്ങൾ സമീപത്തെ വ്യാപാര സ്ഥാപനങ്ങളിൽ നിന്ന് ലഭിച്ചു.
മന്ത്രി ജലീൽ ചോദ്യം ചെയ്യലിനെത്തിയത് അരൂരിലെ വ്യവസായിയുടെ കാറിൽ