പൊതുസ്ഥലത്ത് തുപ്പരുത്; മാനന്തവാടിയിൽ മുറുക്കാൻ ചില്ലറ വില്‍പ്പനക്ക് നിരോധനം

പൊതുസ്ഥലത്ത് തുപ്പുന്നത് കൊവിഡ് വ്യാപനത്തിന് ഇടയാക്കുമെന്ന വിലയിരുത്തലിലാണ് നടപടി കര്‍ശനമാക്കുന്നത്.

വയനാട് : കൊവിഡ് പ്രതിരോധ നടപടിയുടെ ഭാഗമായി മാനന്തവാടി നഗരസഭയിൽ മുറുക്കാൻ ചില്ലറ വില്‍പ്പനക്ക് നിരോധനം. കൊവിഡ് വ്യാപനത്തിന് മുൻപുതന്നെ പൊതുഇടങ്ങളിൽ തുപ്പുന്നത് സുൽത്താൻ ബത്തേരി നഗരസഭ നിരോധിച്ചിരുന്നു. പൊതുസ്ഥലത്ത് തുപ്പുന്നത് കൊവിഡ് വ്യാപനത്തിന് ഇടയാക്കുമെന്ന വിലയിരുത്തലിലാണ് നിരോധനം കര്‍ശനമാക്കുന്നത്.

ആദിവാസി വിഭാഗത്തിലുള്ളവർ ഏറെയുള്ള ജില്ലയാണ് വയനാട്. ഇതിൽ അധികംപേരും വെറ്റിലമുറുക്ക് ശീലമാക്കിയ വരാണ്. പൊതുഇടങ്ങളിൽ തുപ്പുന്നത് സാധാരണവുമായിരുന്നു. കൊവിഡിന്‍റെ പശ്ചാത്തലത്തിൽ സ്ഥിതി കൂടുതൽ വഷളാകാതിരിക്കാനാണ് മാനന്തവാടി നഗരസഭ ചില്ലറ മുറുക്കാൻ വിൽപ്പന നിരോധിച്ചത്. കഴിഞ്ഞ ജനുവരിയിലാണ് സുൽത്താൻ ബത്തേരി നഗരസഭ പൊതു ഇടങ്ങളിൽ തുപ്പുന്നത് നിരോധിച്ചത്. ഇവിടെനിന്ന് മുറുക്കാൻ പാഴ്സൽ ആയി മാത്രമേ നൽകാവൂ. നിയമ ലംഘനത്തിന് എട്ട് പേർക്കെതിരെ കേസെടുക്കുകയും ചെയ്തിരുന്നു.