ആലപ്പുഴ :ആലപ്പുഴയിൽ നടന്ന കൊലപാതകങ്ങളുമായി ബന്ധപ്പെട്ട് പ്രകോപനപരമായ സന്ദേശങ്ങൾ സാമൂഹ്യ മാധ്യമങ്ങളിൽ പ്രചരിപ്പിച്ചതിന് ജില്ലയിൽ രണ്ട് കേസുകൾ രജിസ്റ്റർ ചെയ്തു. ആലപ്പുഴ സൗത്ത്, മണ്ണഞ്ചേരി എന്നീ സ്റ്റേഷനുകളിൽ ആണ് കേസ് രജിസ്റ്റർ ചെയ്തത്. ഇവ രണ്ടും കൊലപാതകം നടന്ന സ്ഥലങ്ങൾ ഉൾപ്പെടുന്ന പൊലീസ് സ്റ്റേഷനുകളാണ്.
അതേസമയം കൊലപാതകവുമായി ബന്ധപ്പെട്ട് ജില്ലയിലെ സാമൂഹ്യ മാധ്യമങ്ങൾ പൊലീസ് നിരീക്ഷണത്തിലാണ്. സംഭവത്തിന്‍റെ പശ്ചാത്തലത്തിൽ എസ്‌ഡിപിഐ - ആർഎസ്എസ് നേതാക്കൾ ഉപയോഗിക്കുന്ന സോഷ്യൽ മീഡിയ അക്കൗണ്ടുകളും പേജുകളും പൊലീസ് പരിശോധിച്ചുവരുന്നുണ്ട്.