ആലപ്പുഴ: പൗരത്വ നിയമ ഭേദഗതി പിൻവലിക്കണമെന്നാവശ്യപ്പെട്ട് മാവേലിക്കര എം.പി കൊടിക്കുന്നിൽ സുരേഷ് എം.പിയുടെ നേതൃത്വത്തില്‍ തെങ്ങണയിൽ നിന്ന് രാമങ്കരിയിലേക്ക് ലോങ് മാർച്ച് നടത്തി .തെങ്ങണയിൽ നിന്ന് ആംരംഭിച്ച മാർച്ച് മുൻ മുഖ്യമന്ത്രി ഉമ്മൻ ചാണ്ടി ഉദ്ഘാടനം ചെയ്തു. മോദിയും അമിത് ഷായും ഇന്ത്യയെ സാമ്പത്തികമായി പിന്നിലാക്കി, ജനങ്ങളെ വ്യത്യസ്ത ചേരിയിലാക്കാനുള്ള ശ്രമം തുടരുകയാണെന്ന് മാർച്ച് ഉദ്ഘാടനം ചെയ്ത മുൻ മുഖ്യമന്ത്രി ഉമ്മൻ ചാണ്ടി പറഞ്ഞു. ചങ്ങനാശ്ശേരി തെങ്ങണയിൽ നിന്നാണ് മാർച്ച് തുടങ്ങിയത് . ഉമ്മൻ ചാണ്ടിയിൽ നിന്ന് കൊടിക്കുന്നിൽ സുരേഷ് പതാകയേറ്റു വാങ്ങി. ലോങ് മാർച്ചില്‍ നിരവധി പ്രവർത്തകർ അണിനിരന്നു.
പൗരത്വ നിയമ ഭേദഗതിക്കെതിരെ കൊടിക്കുന്നിൽ സുരേഷ് എംപിയുടെ ലോങ്‌മാർച്ച്