ആലപ്പുഴയിൽ കാണാതായ വീട്ടമ്മയെ കത്തിക്കരിഞ്ഞ നിലയിൽ കണ്ടെത്തി

പറവൂർ ആയിരം തൈ വളപ്പിൽ ജെസി ജോസിനെയാണ് കത്തിക്കരിഞ്ഞ നിലയിൽ കണ്ടെത്തിയത്.

ആലപ്പുഴ:കാണാതായ വീട്ടമ്മയെ കത്തിക്കരിഞ്ഞ നിലയിൽ കണ്ടെത്തി. ആലപ്പുഴ പുന്നപ്ര വടക്ക് പഞ്ചായത്ത് ഒന്നാം വാർഡ് പറവൂർ ആയിരം തൈ വളപ്പിൽ ജോസുകുട്ടിയുടെ ഭാര്യ ജെസി ജോസിനെയാണ് (50) മരിച്ച നിലയിൽ കണ്ടെത്തിയത്. ബുധനാഴ്‌ച (30.03.22) മുതൽ ഇവരെ കാണാനില്ലായിരുന്നു.

അന്വേഷണം നടക്കുന്നതിനിടയിലാണ് വെള്ളിയാഴ്‌ച രാവിലെ ആസ്‌പിൻവാളിന് സമീപം മൃതദേഹം കത്തിക്കരിഞ്ഞ നിലയിൽ കണ്ടത്. സംഭവത്തെക്കുറിച്ച് പൊലീസ് അന്വേഷണം ആരംഭിച്ചു.