ആലപ്പുഴ: ഒരു വിഭാഗം ജീവനക്കാരുടെ സമരം തുടരുന്നതിനിടെ മുത്തൂറ്റ് ഫിനാന്‍സിന്‍റെ ആലപ്പുഴ റീജിയണല്‍ ഓഫീസില്‍ ജീവനക്കാരും സിഐടിയു പ്രവര്‍ത്തകരും തമ്മില്‍ ഏറ്റുമുട്ടി. ജീവനക്കാരുടെ അനിശ്ചിതകാല സമരത്തിന് പിന്തുണയുമായി എത്തിയ സിഐടിയു പ്രവർത്തകർ ഓഫീസിനുള്ളിലേക്ക് കയറാൻ ശ്രമിച്ചത് മുത്തൂറ്റ് ജീവനക്കാർ തടഞ്ഞതാണ് സംഘര്‍ഷത്തിന് കാരണം. വാക്കുതർക്കം സംഘർഷത്തിൽ കലാശിക്കുകയായിരുന്നു. പൊലീസ് എത്തി സിഐടിയു പ്രവർത്തകരെ അറസ്റ്റ് ചെയ്ത് നീക്കിയതോടെയാണ് മുത്തൂറ്റിന് മുമ്പിലെ സംഘര്‍ഷം അവസാനിച്ചത്.
മുത്തൂറ്റ് ജീവനക്കാരും സിഐടിയു പ്രവര്‍ത്തകരും എറ്റുമുട്ടി; നിരവധി പേര്‍ക്ക് പരിക്ക്