ആലപ്പുഴ: പാർട്ടിയിൽ നേതൃമാറ്റം ആവശ്യമില്ലെന്ന് ബിജെപി സംസ്ഥാന ജനറല് സെക്രട്ടറി എം ടി രമേശ്. ഏറ്റവും കൂടുതൽ വോട്ട് ബിജെപി സമാഹരിച്ചത് ശബരിമല വിഷയത്തിലാണ്. തെക്കൻ കേരളത്തിൽ ബിജെപിയുടെ വോട്ട് വിഹിതത്തിൽ വർദ്ധനവ് ഉണ്ടായതിന്റെ പ്രധാനപ്പെട്ട ഘടകങ്ങളിൽ ഒന്ന് ശബരിമല വിഷയമാണ്. ഈ വിഷയത്തിൽ വിശ്വാസികൾ ബിജെപിക്കൊപ്പമാണ് എന്നതിന്റെ തെളിവാണ് ബിജെപിയുടെ വോട്ട് വിഹിതത്തിലെ വലിയ വർദ്ധനവ്.
തെരഞ്ഞെടുപ്പിൽ കൂടുതൽ വോട്ട് ബിജെപി സമാഹരിച്ചത് ശബരിമല വിഷയത്തില്: എം ടി രമേശ്
തെക്കൻ കേരളത്തിൽ ബിജെപിയുടെ വോട്ട് വിഹിതത്തിൽ വർദ്ധനവ് ഉണ്ടായതിന്റെ പ്രധാനപ്പെട്ട ഘടകങ്ങളിൽ ഒന്ന് ശബരിമല വിഷയമാണെന്ന് എം ടി രമേശ്.
M T Ramesh
പത്തനംതിട്ട പാർലമെന്റ് മണ്ഡലത്തിൽ ഒരുലക്ഷത്തിലേറെ വോട്ടുകൾ വർദ്ധിച്ചിട്ടുണ്ട്. 2014 നെ അപേക്ഷിച്ച് ഒന്നര ലക്ഷം വോട്ട് വർദ്ധിച്ചിട്ടുണ്ട്. ഇത്തരത്തിൽ വോട്ട് വർദ്ധനവ് ഉണ്ടായിട്ടുള്ള ഏക പാർട്ടി ബിജെപിയാണ്. തെരഞ്ഞെടുപ്പിൽ ബിജെപിക്ക് വൻ മുന്നേറ്റമാണ് ഉണ്ടായിരിക്കുന്നതെന്നും എം ടി രമേഷ്.