മുംബൈ : യുഎസ് ഡോളറിനെതിരെ രൂപയുടെ മൂല്യത്തിൽ വീണ്ടും ഇടിവ്. തിങ്കളാഴ്‌ച (ഒക്‌ടോബർ 17) വ്യാപാരം ആരംഭിച്ച ഉടനെ 19 പൈസ ഇടിഞ്ഞ് 82.38 ൽ എത്തി. തുടർച്ചയായി വിദേശ ഫണ്ടുകൾ പുറത്തേക്ക് ഒഴുകുന്നതും ആഭ്യന്തര ഓഹരികൾ ദുർബലമായതും നിക്ഷേപകരുടെ താല്‍പ്പര്യങ്ങളെ സ്വാധീനിച്ചത് ഇടിവിന് കാരണമായി.
വിദേശ കറന്‍സി വിപണിയില്‍ ആദ്യം ഡോളറിനെതിരെ 82.33 എന്ന നിലയിലായിരുന്നെങ്കിലും പിന്നീട് 82.38 ലേയ്‌ക്ക് കൂപ്പുകുത്തുകയായിരുന്നു. മുൻപത്തേതിനേക്കാള്‍ 19 പൈസയുടെ ഇടിവാണ് രേഖപ്പെടുത്തിയത്. വിപണിയിലെ ആദ്യ ഇടപാടുകളിൽ അമേരിക്കൻ കറൻസിയ്‌ക്കെതിരെ രൂപ 82.38 - 82.33 എന്ന അടുത്ത പരിധിയിലാണ് നീങ്ങുന്നത്.