ഡീമാറ്റ്/ട്രേഡിങ്ങ് അക്കൗണ്ട് : ഈ വിവരങ്ങൾ പുതുക്കിയില്ലെങ്കിൽ ഉപയോഗിക്കാനാവില്ല

വിവരങ്ങൾ പുതുക്കാൻ ജൂലൈ 31 വരെയാണ് സമയം അനുവദിച്ചിരിക്കുന്നത്

നിങ്ങൾ ഡീമാറ്റ്/ ട്രേഡിങ്ങ് അക്കൗണ്ട് ഉടമകളാണോ..? എങ്കിൽ ഉടൻ നിങ്ങളുടെ അക്കൗണ്ടിലെ വിവരങ്ങൾ പുതുക്കേണ്ടതാണ്. ജൂലൈ 31ഓടെ വിവരങ്ങൾ പുതുക്കാത്ത അക്കൗണ്ടുകൾ ഉപയോഗിക്കാനാവില്ല. ഇക്കാര്യം ചൂണ്ടിക്കാട്ടി സ്റ്റോക്ക് ബ്രോക്കേജ് സ്ഥാപനങ്ങളുടെയും മറ്റും അയച്ച ഇ-മെയിൽ സന്ദേശം ഉപഭോക്താക്കൾക്ക് അയച്ചിട്ടുണ്ട്.

2021 ഏപ്രിൽ 5ന് സെൻട്രൽ ഡിപ്പോസിറ്ററി സർവീസസ് ലിമിറ്റഡും (സിഡിഎസ്എൽ) ഏപ്രിൽ 7ന് നാഷണൽ സെക്യൂരിറ്റീസ് ഡിപ്പോസിറ്ററി ലിമിറ്റഡും ഇതുസംബന്ധിച്ച സർക്കുലർ പുറപ്പെടുവിച്ചിരുന്നു.

ജൂലൈ 31ന് ആണ് വിവരങ്ങൾ പുതുക്കാനുള്ള അവസാന തിയ്യതി. പേര്, വിലാസം, പാൻകാഡ് വിവരങ്ങൾ, ഇ-മെയിൽ ഐഡി, വരുമാന പരിധി തുടങ്ങിയ വിവരങ്ങളാണ് പുതുക്കേണ്ടത്. വരുമാന പരിധി വ്യക്തികൾക്കും സ്ഥാപനങ്ങൾക്കും പ്രത്യേകമാണ് നൽകേണ്ടത്.

വ്യക്തികൾക്കുള്ള വിവിധ വരുമാന പരിധി

• ഒരു ലക്ഷം രൂപയ്‌ക്ക് താഴെ
• ഒരു ലക്ഷം മുതൽ അഞ്ച് ലക്ഷം വരെ
• അഞ്ച് ലക്ഷം മുതൽ 10 ലക്ഷം വരെ
• 10 ലക്ഷം മുതൽ 25 ലക്ഷം വരെ
• 25 ലക്ഷത്തിന് മുകളിൽ

സ്ഥാപനങ്ങൾക്കുള്ള പരിധി

• 20 ലക്ഷം വരെ
• 20 ലക്ഷം മുതൽ 50 ലക്ഷം വരെ
• 50 ലക്ഷം മുതൽ ഒരു കോടി വരെ
• ഒരു കോടിക്ക് മുകളിൽ