ന്യൂഡല്‍ഹി:മെറ്റയുടെ നിയന്ത്രണത്തിലുള്ള മെസേജിങ് സര്‍വീസ് ആപ്പായ വാട്സ് ആപ്പ് ഇമോജി റിയാക്ഷന്‍സ് അവതരിപ്പിക്കുന്നു. ആറ് പ്രതികരണ ഇമോജികളാണ് വാട്സ് ആപ്പ് ഒരുക്കുന്നത്: ലൈക്ക്, പ്രണയം, ചിരി, ആശ്ചര്യം, ദു:ഖം. ഈ ഇമോജികളിലൂടെ സന്ദേശങ്ങളോട് എളുപ്പത്തില്‍ ഉപയോക്താക്കള്‍ക്ക് പ്രതികരിക്കാനുള്ള സ്വകര്യമാണ് ഒരുക്കുന്നത്.
വാട്സ് ആപ്പിന്‍റെ ആന്‍ഡ്രോയിഡ് ബീറ്റ വേര്‍ഷനില്‍ ഇമോജി റിയാക്ഷന്‍സ് ലഭ്യമായി തുടങ്ങി. പുതിയ ഒരു ഫീച്ചര്‍ പുറത്തിറക്കുന്നതിന്‍റെ മുന്നോടിയായി അത് ഏതാനും ഉപഭോക്താക്കള്‍ക്ക് ടെസ്റ്റ് ചെയ്യുന്നതിനെയാണ് ബീറ്റ ടെസ്റ്റിങ് എന്ന് പറയുന്നത്. ഇത്തരത്തിലുള്ള ബീറ്റ ടെസ്റ്റിങ്ങിന് വേണ്ടിയാണ് ആപ്പുകളുടെ ബീറ്റ വേര്‍ഷന്‍.