മുംബൈ: തുടർച്ചയായി മൂന്നാം ദിവസവും നേട്ടത്തിൽ വ്യാപാരം അവസാനിപ്പിച്ച് ഓഹരി വിപണികൾ. സെൻസെക്‌സ് 123.07 പോയന്‍റ് അഥവ 0.23 ശതമാനം ഉയർന്ന് 54,492.84ൽ എത്തി. നിഫ്റ്റി 35.80 പോയന്‍റ് അഥവ 0.22 ശതമാനം ഉയർന്ന് 16,294.60ൽ ആണ് വ്യാപാരം അവസാനിപ്പിച്ചത്.
ചോല ഇൻവെസ്റ്റ് , ഭാരതി എയർടെൽ, സെയിൽ, ഇൻഡസ് ടവർ, നാൽകോ തുടങ്ങിയവരാണ് നേട്ടമുണ്ടാക്കിയവരിൽ മുമ്പിൽ. ഐഡിഎഫ്‌സി വെസ്റ്റ് ബാങ്ക്, ബോഷ്, എസ്ബിഐ , ഐസിഐസി പ്രുഡെൻഷ്യ തുടങ്ങിയവയാണ് നഷ്ടം നേരിട്ടവരിൽ പ്രമുഖർ.
വ്യാപാരത്തിന്‍റെ തുടക്കത്തിൽ വിപണി റെക്കോഡ് നേട്ടത്തിൽ എത്തിയെങ്കിലും നിക്ഷേപകർ ലാഭമെടുപ്പിലേക്ക് തിരിഞ്ഞതോടെ സൂചികകൾ നഷ്ടത്തിലായി. പിന്നീട് ചാഞ്ചാട്ടങ്ങൾക്കൊടുവിൽ വിപണി ലാഭത്തിൽ വ്യാപാരം അവസാനിപ്പിക്കുകയായിരുന്നു.