സ്വര്‍ണവിലയില്‍ കുതിപ്പ്; ഇന്ന് ഒരു ഗ്രാം സ്വര്‍ണത്തിന് വര്‍ധിച്ചത് 100രൂപ

യുക്രൈന്‍ റഷ്യ യുദ്ധം തുടങ്ങിയതുമുതല്‍ സ്വര്‍ണവില വര്‍ധിച്ചുകൊണ്ടിരിക്കുകയാണ്.

എറണാകുളം:സ്വർണ വിലയിൽ വൻ വർധനവ്. ഇന്ന് ഒരു ഗ്രാം സ്വർണത്തിന്‍റെ വിലയിൽ 100രൂപയുടെ വർധനവാണ് ഉണ്ടായത്. ഇതോടെ ഒരു ഗ്രാമിന്‍റെ വില 4,940 രൂപയും ഒരു പവന്‍ സ്വര്‍ണ വില39,520 രൂപയുമായി.
യുക്രൈനെതിരായ റഷ്യയുടെ സൈനിക നടപടി തുടരുന്ന സാഹചര്യത്തിലാണ് സ്വർണ വിലയിൽ കുതിപ്പ് തുടരുന്നത്. യുക്രൈനിൽ റഷ്യ യുദ്ധം തുടങ്ങിയ ദിവസം മുതൽ സ്വർണ വില ഉയർന്ന് കൊണ്ടിരിക്കുകയാണ്. മറ്റു രാജ്യങ്ങൾ നേരിട്ട് യുദ്ധത്തിൽ ഇടപെടില്ലന്ന് വ്യക്തമായതോടെ സ്വർണ വിലയിൽ നേരിയ കുറവ് സംഭവിച്ചിരുന്നു. എന്നാൽ യുദ്ധം നീളുന്ന സാഹര്യത്തിലാണ് സ്വർണ വില വീണ്ടും ഉയർന്ന് കൊണ്ടിരിക്കുന്നത്.