മൂലധന വിപണിയിൽ 12,000 കോടി രൂപയുടെ വിദേശ നിക്ഷേപം

നവംബർ ഒന്ന് മുതൽ ഒൻപത് വരെ വിദേശ പോർട്ട്‌ഫോളിയോ നിക്ഷേപകർ (എഫ്‌പിഐ) 6,433.8 കോടി രൂപയും ഡെബ്റ്റ് വിഭാഗത്തിൽ 5,673.87 കോടി രൂപയും നിക്ഷേപിച്ചതായി ഏറ്റവും പുതിയ നിക്ഷേപ ഡാറ്റ വ്യക്തമാക്കുന്നു.

ന്യൂഡൽഹി:വിദേശ നിക്ഷേപകർ ആഭ്യന്തര മൂലധന വിപണിയിൽ നവംബർ ആദ്യ വാരത്തിൽ 12,000 കോടി രൂപയുടെ നിക്ഷേപം നടത്തി.

നവംബർ ഒന്ന് മുതൽ ഒൻപത് വരെ വിദേശ പോർട്ട്‌ഫോളിയോ നിക്ഷേപകർ (എഫ്‌പിഐ) ഇക്വിറ്റി വിഭാഗത്തിൽ 6,433.8 കോടി രൂപയും ഡെബ്റ്റ് വിഭാഗത്തിൽ 5,673.87 കോടി രൂപയും നിക്ഷേപം നടത്തിയതായി ഏറ്റവും പുതിയ നിക്ഷേപ ഡാറ്റ വ്യക്തമാക്കുന്നു.
ആഭ്യന്തര വിപണിയിലെ മൊത്തം ഓഹരി നിക്ഷേപം (ഇക്വിറ്റി ഡെബ്റ്റ്) 12,107.67 കോടി രൂപയായി.

ഒക്ടോബറിൽ വിദേശ നിക്ഷേപം 16,464.6 കോടി രൂപയും സെപ്റ്റംബറിൽ 6,557.8 കോടി രൂപയും ആയിരുന്നു.

മുൻകാല നിക്ഷേപങ്ങൾ താരതമ്യം ചെയ്യുമ്പോൾ 1,500- 2,000 കോടി രൂപ വരെ പ്രതിദിനം നിക്ഷേപം ഉണ്ടായിരുന്നെന്നും ഈ വാരം ഇത് പ്രതിദിനം ശരാശരി 550 കോടി രൂപ നിക്ഷേപം മാത്രമാണുള്ളതെന്നും സാംകോ സെക്യൂരിറ്റീസിലെ ഗവേഷണ മേധാവി ഉമേഷ് മേത്ത അഭിപ്രായപ്പെട്ടു.