ഇടുക്കി: ജില്ലയില്‍ ജീപ്പ് ഓടിച്ച് ഉപജീവനം കണ്ടെത്തുന്നവര്‍ക്കായി സര്‍ക്കാര്‍ പ്രത്യേക പാക്കേജ് പ്രഖ്യാപിക്കണമെന്ന ആവശ്യം ശക്തം. ടാക്‌സ് ഇളവുകള്‍ അടക്കമുള്ള ആനുകൂല്യങ്ങള്‍ നല്‍കണമെന്നാണ് ആവശ്യം ഉയരുന്നത്.
ജീപ്പ് ഡ്രൈവർമാർക്ക് പ്രത്യേക പാക്കേജ് പ്രഖ്യാപിക്കണമെന്ന ആവശ്യം ശക്തം
ഹൈറേഞ്ചിലെ ജനങ്ങള്‍ പ്രധാനമായും യാത്രയ്ക്കായും ചരക്ക് നീക്കത്തിനായും ആശ്രയിക്കുന്നത് ജീപ്പുകളെയാണ്.ഇപ്പോഴും സമാന്തര സര്‍വ്വീസുകളെ മാത്രം ഗതാഗത്തിനായി ആശ്രയിക്കുന്ന നിരവധി കുടിയേറ്റ ഗ്രാമങ്ങള്‍ ഇടുക്കിയിലുണ്ട്. മലമുകളിലേയ്ക്ക് സാധങ്ങള്‍ എത്തിയ്ക്കുന്നതിന് മറ്റ് വാഹനങ്ങളൊന്നും പര്യാപ്തമല്ല.ടൂറിസം, തോട്ടം മേഖലകളെയും ഹൈറേഞ്ചിലെ സര്‍വ്വീസിനെയും ആശ്രയിച്ച് ആയിരകണക്കിന് ജീപ്പ് ഡ്രൈവര്‍മാരാണ് ഇടുക്കിയില്‍ ഉപജീവനം കണ്ടെത്തുന്നത്.