ന്യൂഡല്‍ഹി: എട്ട് പുതിയ അന്താരാഷ്ട്ര സര്‍വ്വീസുകള്‍ ആരംഭിക്കാനൊരുങ്ങി പ്രമുഖ എയര്‍ലൈന്‍സ് ഗ്രൂപ്പായ സ്പൈസ് ജെറ്റ്. മുംബൈ, ഡല്‍ഹി എന്നീ നഗരങ്ങളില്‍ നിന്നായിരിക്കും പുതിയ സര്‍വ്വീസുകള്‍ ആരംഭിക്കുക. ജൂലൈ മാസത്തോടെ പുതിയ സര്‍വ്വീസുകള്‍ തുടങ്ങാനാണ് കമ്പനിയുടെ പദ്ധതി.
പുതിയ എട്ട് അന്താരാഷ്ട്ര സര്‍വ്വീസുകളുമായി സ്പൈസ് ജെറ്റ്
168 യാത്രക്കാരെ ഉള്‍ക്കൊള്ളുന്ന ബോയിംഗ് 737- 800 വിമാനങ്ങളായിരിക്കും സര്‍വ്വീസിനായി ഉപയോഗിക്കുക.
പുതിയ എട്ട് അന്താരാഷ്ട്ര സര്‍വ്വീസുകളുമായി സ്പൈസ് ജെറ്റ്
മുംബൈ- റിയാദ് -മുംബൈ, മുംബൈ- ധാക്ക- മുംബൈ, ഡല്‍ഹി -ധാക്ക- ഡല്‍ഹി, ഡല്‍ഹി -ജിദ്ദ- ഡല്‍ഹി എന്നിങ്ങനെയാണ് പുതിയ സര്‍വ്വീസിന്‍റെ റൂട്ട്. 168 യാത്രക്കാരെ ഉള്‍ക്കൊള്ളുന്ന ബോയിംഗ് 737- 800 വിമാനങ്ങളായിരിക്കും സര്‍വ്വീസിനായി ഉപയോഗിക്കുക. മുംബൈയില്‍ നിന്ന് ധാക്കയിലേക്കുള്ള സര്‍വ്വീസ് ജൂലൈ 25നും റിയാദിലേക്കുള്ള സര്‍വ്വീസ് ആഗസ്ത് 15നും ആരംഭിക്കുമ്പോള്‍ ഡല്‍ഹിയില്‍ നിന്ന് ധാക്കയിലേക്കും ജിദ്ദയിലേക്കുമുള്ള സര്‍വ്വീസുകള്‍ ജൂലൈ 31നാണ് ആരംഭിക്കുക.