ന്യൂഡല്‍ഹി : കാറ്റമരന്‍ വെന്‍ച്വേഴ്‌സുമായി ചേര്‍ന്ന് രൂപം നല്‍കിയ ഭക്ഷ്യ വിതരണ സംരംഭം പ്രിയോണ്‍ ബിസിനസിനെ ഏറ്റെടുക്കാനൊരുങ്ങി ആമസോണ്‍. പ്രിയോണ്‍ ബിസിനസുമായി മുന്നോട്ടില്ലെന്ന് നേരത്തെ ആമസോണും കാറ്റമരനും വ്യക്തമാക്കിയിരുന്നു. ഇതേ തുടര്‍ന്നാണ് പുതിയ നടപടി. ആസ്തികളും ബാധ്യതകളും ഉൾപ്പെടെയുള്ളവ ഏറ്റെടുക്കാനാണ് ആമസോണ്‍ തീരുമാനം.
നിലവിലെ മാനേജ്‌മെന്റിന്റെ നേതൃത്വത്തിൽ തന്നെ സംരംഭം തുടരുമെന്നും ആമസോണ്‍ അറിയിച്ചു. 2022 മെയ് 19ന് ഇരു കമ്പനികളും കരാര്‍ പുതുക്കാന്‍ ഇരിക്കെയാണ് പിരിയാനുള്ള നീക്കം. തീരുമാനത്തിന് പിന്നിലെ കാരണം കമ്പനികള്‍ വ്യക്തമാക്കിയിട്ടില്ല