മൂന്നാം പാദത്തിൽ അറ്റദായം രണ്ട് മടങ്ങ് വർധിച്ചെന്ന് ഐസിഐസിഐ ബാങ്ക് - ഐസിഐസിഐ ബാങ്ക് അറ്റദായം
2019 ഡിസംബറിൽ അവസാനിച്ച മൂന്നാം പാദത്തിൽ ഐസിഐസിഐ ബാങ്കിന്‍റെ അറ്റദായം രണ്ട് മടങ്ങ് വർധിച്ച് 4,146.46 കോടി രൂപയായി
ന്യൂഡൽഹി: 2019 ഡിസംബറിൽ അവസാനിച്ച മൂന്നാം പാദത്തിൽ ഐസിഐസിഐ ബാങ്കിന്‍റെ അറ്റദായം രണ്ട് മടങ്ങ് വർധിച്ച് 4,146.46 കോടി രൂപയായി. ഒരു വർഷം മുമ്പ് ഒക്ടോബർ മുതൽ ഡിസംബർ വരെയുള്ള കാലയളവിൽ 1,604.91 കോടി രൂപയുടെ അറ്റദായം രജിസ്‌റ്റർ ചെയ്‌തതായി ഐസിഐസിഐ ബാങ്ക് അറിയിച്ചു. അവലോകന കാലയളവിൽ മൊത്തം വരുമാനം 17.23 ശതമാനം ഉയർന്ന് 23,638.26 കോടി രൂപയായി. കഴിഞ്ഞ വർഷം ഇതേ കാലയളവിൽ ഇത് 20,163.25 കോടി രൂപയായിരുന്നു.
മൊത്തം നിഷ്ക്രിയ ആസ്‌തികൾ (എൻ‌പി‌എ) 2019 ഡിസംബർ അവസാനത്തോടെ മൊത്തം വായ്‌പയുടെ 5.95 ശതമാനമായി കുറഞ്ഞതോടെ ബാങ്കിന്‍റെ ആസ്‌തിയുടെ ഗുണനിലവാരം മെച്ചപ്പെട്ടു. ഒരു വർഷം മുമ്പ് ഇത് 7.75 ശതമാനമായിരുന്നു.
മൊത്തം മോശം വായ്‌പകൾ 2019 ഡിസംബർ 31 ലെ കണക്കനുസരിച്ച് 43 453.86 കോടി രൂപയാണ്. ഒരു വർഷം മുമ്പ് ഇത് 591.47 കോടി രൂപയായിരുന്നു. അറ്റ മോശം ലോണുകളുടെ മൂല്യം 10,388.50 കോടി രൂപയാണ്. മുൻ സാമ്പത്തിക വർഷം ഇതേ പാദത്തിൽ ഇത് 16,252.44 കോടി രൂപയായിരുന്നു.