അമേരിക്കയിൽ കുടുങ്ങിയ 215 ഇന്ത്യക്കാരുമായുള്ള വിമാനം ഡൽഹിയിലേക്ക് പുറപ്പെട്ടു

കഴിഞ്ഞ മാസം വന്ദേ ഭാരത് മിഷൻ ആരംഭിച്ചതിനു ശേഷം വിദേശത്ത് കുടുങ്ങിയ 2,50,087 ഇന്ത്യൻ പൗരന്മാരെ തിരിച്ചെത്തിച്ചിട്ടുണ്ട്.

വാഷിംഗ്ടൺ : അമേരിക്കയിൽ കുടുങ്ങിയ 215 ഇന്ത്യക്കാരുമായി വന്ദേ ഭാരത് മിഷന്‍റെ കീഴിൽ പ്രത്യേക വിമാനം ഞായറാഴ്ച ഡൽഹിയിലേക്ക് പുറപ്പെട്ടു. വന്ദേഭാരത് മിഷന്‍റെ മൂന്നാം ഘട്ടത്തിന്‍റെ ഭാഗമായി 215 യാത്രക്കാരുമായി വാഷിംഗ്ടൺ ഡിസിയിൽ നിന്ന് ഡൽഹിയിലേക്കുള്ള വിമാനം പുറപ്പെട്ടതായി യുഎസ്എയിലെ ഇന്ത്യ ട്വീറ്റ് ചെയ്തു. വിദേശത്ത് കുടുങ്ങിയ 2,50,087 ഇന്ത്യൻ പൗരന്മാരെ കഴിഞ്ഞ മാസം വന്ദേ ഭാരത് മിഷൻ ആരംഭിച്ചതിനുശേഷം തിരിച്ചെത്തിച്ചിട്ടുണ്ട്. കൊറോണ വൈറസ് പകർച്ചവ്യാധി മൂലം വിദേശത്ത് കുടുങ്ങിക്കിടക്കുന്ന ഇന്ത്യക്കാരെ ഒഴിപ്പിക്കുന്നതിനായി മെയ് ഏഴ് മുതൽ ആരംഭിച്ച വന്ദേ ഭാരത് മിഷന്‍റെ മൂന്നാം ഘട്ടം ജൂൺ 11 ന് ആരംഭിച്ചു.