ന്യൂഡൽഹി:കിഴക്കൻ ലഡാക്കിൽ ചൈന നടത്തിയ നുഴഞ്ഞുകയറ്റം കൈകാര്യം ചെയ്യുന്നതിൽ സർക്കാരിനെ രൂക്ഷമായി വിമർശിച്ച് കോൺഗ്രസ് പ്രസിഡന്‍റ് സോണിയ ഗാന്ധി. എല്ലാ വഴികളും ഉപയോഗിക്കുന്നതിൽ കേന്ദ്രം പരാജയപ്പെട്ടെന്നും അക്രമത്തിൽ 20 സൈനികരുടെ ജീവൻ നഷ്ടപ്പെട്ടതായും സോണിയ പറഞ്ഞു.
ഗൽവാൻ താഴ്‌വരയിൽ നടന്ന ഏറ്റുമുട്ടലിൽ ഇന്‍റലിജൻസിന് പരാജയം സംഭവിച്ചോ എന്നും സോണിയ ഗാന്ധി ചോദിച്ചു. പ്രധാനമന്ത്രി നരേന്ദ്ര മോദി വിളിച്ചുചേർത്ത വെർച്വൽ ഓൾ-പാർട്ടി യോഗത്തിലാണ് സോണിയ ഇക്കാര്യം ചോദിച്ചത്. സ്ഥിതിഗതികൾ പുനസ്ഥാപിക്കപ്പെടണമെന്നും ചൈന യഥാർത്ഥ നിയന്ത്രണ രേഖയിലെ യഥാർഥ സ്ഥാനത്തേക്ക് മടങ്ങിപ്പോകണമെന്നും ഒരു രാജ്യം മുഴുവൻ ആഗ്രഹിക്കുന്നുതായി അവർ പറഞ്ഞു.
പ്രതിസന്ധിയുടെ നിർണായക വശങ്ങളെക്കുറിച്ച് പ്രതിപക്ഷ പാർട്ടികളൾക്കും ജനങ്ങൾക്കും ഇപ്പോഴും അറിയില്ലെന്നും ഗാന്ധി പറഞ്ഞു. ചൈനീസ് സൈന്യം ലഡാക്കിലെ ഇന്ത്യയുടെ പ്രദേശത്തേക്ക് കടന്നത് എപ്പോഴാണെന്നും ചൈനീസ് സൈന്യം ആക്രമണം നടത്തിയതായ് സർക്കാർ എപ്പോഴാണ് കണ്ടെത്തിയതെന്നും ഗാന്ധി ചോദിച്ചു.
തങ്ങൾക്ക് സർക്കാരിനോട് ചില ചോദ്യങ്ങൾ ഉന്നയിക്കാനുണ്ട്. ഏത് തീയതിയിലാണ് ചൈനീസ് സൈന്യം ലഡാക്കിലെ തങ്ങളുടെ പ്രദേശത്തേക്ക് കടന്നത്? നമ്മുടെ പ്രദേശത്തേക്കുള്ള ചൈനീസ് അതിക്രമങ്ങളെക്കുറിച്ച് സർക്കാർ എപ്പോഴാണ് കണ്ടെത്തിയത്? നമ്മുടെ രാജ്യത്തിന്‍റെ അതിർത്തികളുടെ ഉപഗ്രഹ ചിത്രങ്ങൾ പതിവായി സ്വീകരിക്കുന്നില്ലേ? നമ്മുടെ ബാഹ്യ രഹസ്യാന്വേഷണ ഏജൻസികൾ എൽ‌എസിയിൽ അസാധാരണമായ പ്രവർത്തനങ്ങൾ റിപ്പോർട്ട് ചെയ്തിട്ടില്ലേ? യഥാർഥ നിയന്ത്രണ രേഖയിലെ നുഴഞ്ഞുകയറ്റത്തെക്കുറിച്ചും വൻ ശക്തികളെ കെട്ടിപ്പടുക്കുന്നതിനെക്കുറിച്ചും സൈനിക ഇന്‍റലിജൻസ് സർക്കാരിനെ അറിയിച്ചിരുന്നില്ലേ? യഥാർഥ നിയന്ത്രണ രേഖയിൽ ചൈനീസ് ഭാഗത്തായാലും ഇന്ത്യൻ ഭാഗത്തായാലും രഹസ്യാന്വേഷണത്തിന്‍റെ പരാജയം സംഭവിച്ചിട്ടില്ലെ എന്നും സോണിയ ഗാന്ധി ചോദിച്ചു.
