മുംബൈ: ഐപിഎല്ലിലെ തകര്‍പ്പന്‍ പെര്‍ഫോമിന് പിന്നാലെ ഓസ്‌ട്രേലിയന്‍ പര്യടനത്തിനുള്ള ഇന്ത്യന്‍ ടീമിലും ഇടം നേടി മലയാളി താരം സഞ്ജു സാംസണ്‍. ഓസിസ് പര്യടനത്തിന്‍റെ ഭാഗമായി നടക്കുന്ന ടി20 പരമ്പരയില്‍ വിക്കറ്റ് കീപ്പര്‍ ബാറ്റ്‌മാനായാണ് സഞ്ജുവിനെ പരിഗണിച്ചിരിക്കുന്നത്. സഞ്ജുവിനെ കൂടാതെ വിക്കറ്റ് കീപ്പര്‍ ബാറ്റ്സ്‌മാന്‍ എന്ന നിലയില്‍ ഉപനായകന്‍ കെഎല്‍ രാഹുലും ടീമില്‍ ഇടം നേടിയിട്ടുണ്ട്. രാജസ്ഥാന്‍ റോയല്‍സിനായി ഐപിഎല്‍ 13ാം സീസണില്‍ കരുത്തുറ്റ ബാറ്റിങ്ങാണ് സഞ്ജു ഇതേവരെ കാഴ്‌ചവെച്ചത്.
വിരാട് കോലി നയിക്കുന്ന ടീമില്‍ ശിഖര്‍ ധവാന്‍, മായങ്ക് അഗര്‍വാള്‍, ശ്രേയസ് അയ്യര്‍, മനീഷ് പാണ്ഡെ, ഹര്‍ദിക് പാണ്ഡ്യ, രവീന്ദ്ര ജഡേജ, വാഷിങ്ടണ്‍ സുന്ദര്‍, യുസ്‌വേന്ദ്ര ചാഹല്‍, ജസ്‌പ്രീത് ബുമ്ര, മുഹമ്മദ് ഷമി, നവദീപ് സെയ്‌നി, ദീപക് ചാഹര്‍, വരുണ്‍ ചക്രവര്‍ത്തി എന്നിവരാണ് ടീമിലെ മറ്റ് അംഗങ്ങള്‍.