കൊല്ലം: പേരൂർ രഞ്ജിത്ത് ജോൺസൺ വധക്കേസിൽ ഏഴ് പേര്‍ക്ക് ജീവപര്യന്തം. ഇരവിപുരം സ്വദേശി മനോജ്(48), നെടുങ്ങോലം സ്വദേശി രഞ്ജിത്ത്(32), പൂതക്കുളം പാണട്ടു ചിറയിൽ ബൈജു(45), ഡീസന്‍റ് ജംങ്ഷൻ കോണത്തു കാവിൻ സമീപം പ്രണവ്(26), ഡീസന്‍റ് ജംങ്ഷൻ സ്വദേശി വിഷ്ണു(21), കിളികൊല്ലൂർ പവിത്രം നഗറിൽ വിനേഷ്(44), വടക്കേവിള സ്വദേശി റിയാസ്(34) എന്നിവര്‍ക്കാണ് കൊല്ലം അഡീഷണല്‍ സെഷന്‍ കോടതി കര്‍ശന ഉപാധികളോടെ ജീവപര്യന്തവും 20 വര്‍ഷം കഠിന തടവും വിധിച്ചിരിക്കുന്നത്. ആദ്യത്തെ 25 വര്‍ഷത്തേക്ക് ജാമ്യമോ മറ്റ് ഇളവുകളോ നല്‍കരുതെന്നും കോടതി നിര്‍ദ്ദേശിച്ചിട്ടുണ്ട്. ഇക്കാലയളവില്‍ പരോള്‍ പോലും പാടില്ല. കൂടാതെ പ്രതികള്‍ ഓരോരുത്തരും രണ്ട് ലക്ഷം രൂപ പിഴയും കെട്ടി വെക്കണം.
രഞ്ജിത്ത് ജോൺസൺ വധക്കേസില്‍ ഏഴു പേര്‍ക്ക് ജീവപര്യന്തം