മലപ്പുറം: സാമൂഹിക ഇടപെടലിലൂടെ മാവോയിസ്റ്റുകളെ നേരിടാൻ കർമപദ്ധതി ഒരുക്കി സംസ്ഥാന സർക്കാർ. മാവോയിസ്റ്റ് സാന്നിധ്യമുള്ള ഉത്തര കേരളത്തിലെ അഞ്ച് ജില്ലകളിൽ പ്രത്യേക പദ്ധതി നടപ്പിലാക്കാൻ മലപ്പുറത്ത് ചേർന്ന ഉന്നതതല യോഗത്തിൽ തീരുമാനമായി. സംസ്ഥാനത്തെ മാവോയിസ്റ്റ് വെല്ലുവിളികൾ നേരിടുന്നത് ചർച്ച ചെയ്യാൻ ചീഫ് സെക്രട്ടറി ടോം ജോസിന്‍റെ അധ്യക്ഷതയില്‍ മലപ്പുറത്ത് ചേർന്ന യോഗത്തിലാണ് പദ്ധതി നടപ്പാക്കാന്‍ തീരുമാനം ഉണ്ടായത്. വനംവകുപ്പിനും പൊലീസിനുമൊപ്പം ഐടിഡിപി, തദ്ദേശ സ്ഥാപനങ്ങൾ, കുടുംബശ്രീ എന്നിവരെ കൂടി പദ്ധതിയില്‍ സജീവ പങ്കാളികളാക്കും.
മാവോയിസ്റ്റുകളെ നേരിടാൻ പ്രത്യേക കര്‍മ്മപദ്ധതി തയ്യാറാക്കി സംസ്ഥാന സര്‍ക്കാര്‍