ബണ്ടി ചോറിന്‍റെ അപ്പീൽ പരിഗണിക്കുന്നത് ഹൈക്കോടതി മാറ്റി

തിരുവനന്തപുരം സ്വദേശിയുടെ ആഢംബര കാർ മോഷണ കേസിൽ 2013 മുതൽ ഇയാൾ ജയിലിൽ കഴിയുകയാണ്

കൊച്ചി: മോഷണ കേസിൽ ജയിലിൽ കഴിയുന്ന കുപ്രസിദ്ധ കുറ്റവാളി ബണ്ടി ചോറിന്‍റെ അപ്പീൽ പരിഗണിക്കുന്നത് ഹൈക്കോടതി മാറ്റി. രണ്ടാഴ്ച കഴിഞ്ഞ് പരിഗണിക്കാനാണ് തീരുമാനം. തിരുവനന്തപുരം സ്വദേശിയുടെ ആഢംബര കാർ മോഷണ കേസിൽ 2013 മുതൽ ഇയാൾ ജയിലിൽ കഴിയുകയാണ്. ഈ കേസിൽ 2017ലാണ് തിരുവനന്തപുരം ജില്ലാ സെഷൻസ് കോടതി ബണ്ടി ചോറിനെ പത്തു വർഷം തടവിന് ശിക്ഷിച്ചത്. തനിക്കെതിരെ ചുമത്തിയ കുറ്റങ്ങൾ നിസാരമാണെന്നും കേസ് പരിഗണിക്കേണ്ടിയിരുന്നത് മജിസ്ട്രേറ്റ് കോടതിയാണെന്നുമുള്ള പ്രതിയുടെ വാദം അംഗീകരിച്ച് ഹൈക്കോടതി സർക്കാjfന്‍റെ വിശദീകരണം തേടിയിരുന്നു. അഡ്വ: ബി.എ ആളൂരാണ് ബണ്ടി ചോറിനു വേണ്ടി ഹൈക്കോടതിയിൽ ഹാജരായത്. ഹരിയാന സ്വദേശിയായ ദേവേന്ദ്ര സിംഗാണ് ബണ്ടി ചോർ എന്ന പേരിൽ അറിയപ്പെടുന്നത്. ഇയാൾക്കെതിരെ രാജ്യത്തിന്‍റെ വിവിധ ഭാഗങ്ങളിൽ നാനൂറിൽപരം മോഷണകേസുകളുണ്ട്.