ലോക്സഭാ സീറ്റിൽ ഒരു സീറ്റുകൂടി വേണം: കെ എം മാണി

കൂടിയാലോചനകളിലൂടെ ആവശ്യം പരിഗണിക്കുമെന്നാണ് പ്രതീക്ഷയെന്ന് കെ എം മാണി. തങ്ങളായിട്ട് മുന്നണിയെ പ്രതിസന്ധിയിലാക്കില്ലെന്നും മാണി കൂട്ടിച്ചേര്‍ത്തു. രണ്ടാം സീറ്റ് വേണമെന്ന് പി ജെ ജോസഫും വ്യക്തമാക്കി.

ലോക്​സഭ തെരഞ്ഞെടുപ്പിൽ കേരള കോൺഗ്രസ്​ അധിക സീറ്റ്​ ചോദിക്കുന്നത്​ സമ്മർദ്ദമല്ലെന്ന്​ കെ.എം മാണി . കൂടിയാലോചനകളിലൂടെ ആവശ്യം പരിഗണിക്കുമെന്നാണ് പ്രതീക്ഷ. തങ്ങളായിട്ട് മുന്നണിയെ പ്രതിസന്ധിയിലാക്കില്ലെന്നും മാണി കൂട്ടിച്ചേര്‍ത്തു. അധിക സീറ്റ്​ ചോദിക്കാൻ ഘടകകക്ഷികൾക്ക്​​ അവകാശമുണ്ടെന്നും കെ മുരളീധരന് മറുപടിയായി മാണി പറഞ്ഞു.

അതേസമയം ലോക്സഭാ തെരഞ്ഞെടുപ്പിൽ രണ്ട് സീറ്റ് വേണമെന്ന ആവശ്യത്തിൽ ഉറച്ചു നിൽക്കുകയാണ് കേരളാ കോൺഗ്രസ് പാർട്ടി ചെയർമാൻ പി ജെ ജോസഫ് . ഇടുക്കി, ചാലക്കുടി സീറ്റുകളിൽ എതെങ്കിലുമൊന്ന്​ വേണമെന്നായിരുന്നു ജോസഫി​ന്‍റെ ആവശ്യം. കേരളാ കോൺഗ്രസിന് ഇതിനു മുമ്പ് മൂന്ന് സീറ്റുകൾ കിട്ടിയപ്പോൾ മൂന്നിലും ജയിച്ചിട്ടുണ്ടെന്നും ഇത്തവണയും അത് ആവർത്തിക്കുമെന്നും ജോസഫ് വ്യക്തമാക്കി.

12-ാം തീയതി നടക്കുന്ന ഉഭയകക്ഷി ച‍ർച്ചയിൽ പ്രതീക്ഷയുണ്ടെന്നാണ് പി ജെ ജോസഫ് പറയുന്നത്. അവഗണനയിലെ അതൃപ്തി പരസ്യമാക്കിക്കൊണ്ടാണ് പി ജെ ജോസഫ് വീണ്ടും കേരളാ കോൺഗ്രസിൽ കലാപക്കൊടി ഉയർത്തുന്നത്. രണ്ട് സീറ്റെന്ന ആവശ്യത്തിൽ ഉറച്ച് മുന്നോട്ടുപോവുകയാണ് പി ജെ ജോസഫ്.