മലപ്പുറം: റമദാൻ ഇരുപത്തിയേഴാം രാവും വിശുദ്ധ മാസത്തിലെ അവസാന വെള്ളിയാഴ്ചയും ഒരുമിക്കുന്ന പുണ്യദിനത്തിൽ സ്വലാത്ത് നഗറിൽ നടക്കുന്ന പ്രാർഥനാ സമ്മേളനത്തിനുള്ള ഒരുക്കങ്ങൾ പൂർത്തിയായി. ആത്മീയ ബോധന പരിപാടികളുടെ സമാപനം വിശ്വാസികളുടെ മഹാസമ്മേളനം വെള്ളിയാഴ്ച നടക്കും.
വെള്ളിയാഴ്ച പുലർച്ചെ നാലുമണിക്ക് നടക്കുന്ന ആത്മീയ മജിലിസ് സമാപന സമ്മേളനത്തിന്‍റെ ഭാഗമായുള്ള പരിപാടികൾ ആരംഭിക്കും. തുടർന്ന് ഖുർആൻപാരായണം അബ്ദുൽ സലാം സഖാഫി ഹദീസ് പഠന ക്ലാസ്സ് എന്നിവ നടക്കും. രാവിലെ ആറിന് നടക്കുന്ന ഹിസ്ബുൾ ക്ലാസ് അസ്ലാം സഖാഫി മുനീർ നേതൃത്വം നൽകും. റമദാനിലെ അവസാന വെള്ളിയാഴ്ച ജുമുഅ ഖുതുബ പ്രഭാഷണം എന്നിവയ്ക്ക് സയ്യിദ് ഇബ്രാഹിമുൽ ഖലീലുൽ ബുഖാരി നേതൃത്വം നൽകും. പ്രാർഥനാ സമ്മേളനത്തിൽ ഒരുക്കുന്ന സമൂഹ ഇഫ്താറിന് ലക്ഷക്കണക്കിന് പേർ പങ്കെടുക്കും.
റമദാൻ ഇരുപത്തിയേഴാം രാവ്; പ്രാർഥനാ സമ്മേളനവും ദുആ മജ് ലിസും