കോട്ടയം: പി ജെ ജോസഫിനെതിരെ ജോസ് കെ മാണി വിഭാഗം തെരഞ്ഞെടുപ്പ് കമ്മീഷന് കത്ത് നല്‍കി. പുതിയ ചെയര്‍മാനെ തെരഞ്ഞെടുക്കാന്‍ സംസ്ഥാന കമ്മിറ്റി വിളിക്കാന്‍ നിര്‍ദേശിക്കണമെന്ന് ആവശ്യപ്പെട്ടാണ് കത്ത് നല്‍കിയത്. ജോസ് കെ മാണി, എം പി തോമസ് ചാഴിക്കാടന്‍, എംഎല്‍എമാരായ റോഷി അഗസ്റ്റിന്‍, എന്‍ ജയരാജ് എന്നിവരാണ് കത്തില്‍ ഒപ്പുവച്ചിരിക്കുന്നത്. നിലവില്‍ വര്‍ക്കിങ് ചെയര്‍മാനായ പി ജെ ജോസഫിന് ചെയര്‍മാനായി പ്രവര്‍ത്തിക്കാന്‍ അധികാരമില്ലെന്ന് കത്തില്‍ വ്യക്തമാക്കിയിട്ടുണ്ട്.
ജോസഫിനെതിരെ തെരഞ്ഞെടുപ്പ് കമ്മീഷന് കത്തയച്ച് ജോസ് കെ മാണി വിഭാഗം - p j joseph
പുതിയ ചെയര്‍മാനെ തെരഞ്ഞെടുക്കാന്‍ സംസ്ഥാന കമ്മിറ്റി വിളിക്കാന്‍ കത്തില്‍ നിര്‍ദേശം
jose
സംസ്ഥാന കമ്മിറ്റി വിളിച്ചുചേര്‍ക്കണം എന്നാവശ്യപ്പെട്ട് ജോസ് കെ മാണി വിഭാഗം തെരഞ്ഞെടുപ്പ് കമ്മീഷന് കത്ത് നല്‍കിയതിന് പിന്നാലെ ജോസ് കെ മാണിക്കെതിരെ വിമര്‍ശനവുമായി പി ജെ ജോസഫ് രംഗത്തെത്തി. സമവായ നീക്കം പൊളിക്കാന്‍ ശ്രമിക്കുന്നത് ജോസ് കെ മാണി വിഭാഗമാണെന്നും തന്നെ ചെയര്‍മാനായി അംഗീകരിച്ചാല്‍ മാത്രമേ ഇനി യോഗങ്ങള്‍ വിളിക്കൂ എന്നും ജോസഫ് തൊടുപുഴയില്‍ പറഞ്ഞു. ഗ്രൂപ്പ് പ്രശ്‌നമല്ല പാര്‍ട്ടിയിലുള്ളത്, മറിച്ച് സമവായത്തിന്‍റെ ആളുകളും പിളര്‍പ്പിന്‍റെ ആളുകളും തമ്മിലുള്ള പ്രശ്‌നമാണ്. കെ എം മാണിയുടെ കീഴ്‌വഴക്കങ്ങള്‍ ജോസ് കെ മാണി വിഭാഗം ലംഘിക്കുകയാണെന്നും പി ജെ ജോസഫ് ആരോപിച്ചു. തീരുമാനങ്ങള്‍ ചെറിയ സമിതി ചര്‍ച്ച ചെയ്ത് സംസ്ഥാന കമ്മിറ്റിയില്‍ പാസാക്കുന്നതായിരുന്നു കെ എം മാണിയുടെ കീഴ്‌വഴക്കമെന്നും ജോസഫ് കൂട്ടിച്ചേര്‍ത്തു.