ടോക്യോ:കൊവിഡ് വ്യാപനം രൂക്ഷമായ സാഹചര്യത്തിലും ടോക്യോ ഒളിമ്പിക്സിനുള്ള ഒരുക്കങ്ങള്‍ ജപ്പാനില്‍ തകൃതിയായി നടന്നുകൊണ്ടിരിക്കുകയാണ്. രോഗവ്യാപനം കാരണം ഒരു വര്‍ഷത്തോളം മാറ്റിവച്ച ഒളിമ്പിക്സിന്‍റെ ടോര്‍ച്ച് റിവേ മാര്‍ച്ച് 25നാണ് ആരംഭിച്ചത്. വടക്കുകിഴക്കന്‍ ഫുകുഷിമയില്‍ നിന്നാണ് ടോര്‍ച്ച് റിലേ ആരംഭിച്ചത്. 2011-ലെ ഭൂകമ്പത്തിലും സുനാമിയിലും പെട്ട് തകര്‍ന്ന പ്രദേശമാണിത്. 18,000-ഓളം പേരാണ് അന്ന് ദുരന്തത്തില്‍ മരിച്ചത്.
2011-ല്‍ വനിതാ ഫുട്‌ബോള്‍ ലോകകപ്പ് നേടിയ ജപ്പാന്‍ ടീമിലെ പ്രധാന കളിക്കാരിയായ അസുസ ഇവാഷിമിസുവാണ് ടോര്‍ച്ചുമായി ആദ്യം ഓടിയത്. 121 ദിവസത്തെ യാത്രയ്ക്കു ശേഷം ടോക്യോയില്‍ ജൂലായ് 23-ന് നടക്കുന്ന ഉദ്ഘാടന ചടങ്ങിലേക്ക് ടോര്‍ച്ച് റിലേ എത്തിച്ചേരും. കൊവിഡ് ഭീഷണി നിലനില്‍ക്കുന്നതിനാല്‍ കാണികളെ ഒഴിവാക്കിയാണ് റിലേ നടക്കുന്നത്.