കോട്ടയം: കേരള കോണ്‍ഗ്രസ് (എം) പാര്‍ട്ടി ചെയര്‍മാനെ തെരഞ്ഞെടുത്ത നടപടി സ്റ്റേ ചെയ്‌ത് കൊണ്ടുള്ള കോടതി ഉത്തരവ് ലഭിച്ചതിന് ശേഷം തുടര്‍നടപടികള്‍ ആലോചിക്കുമെന്ന് ജോസ് കെ മാണി. ചെയര്‍മാന്‍ തെരഞ്ഞെടുപ്പുമായി ബന്ധപ്പെട്ട് അന്തിമ തീരുമാനം എടുക്കേണ്ടത് തെരഞ്ഞെടുപ്പ് കമ്മിഷനാണ്. അംഗങ്ങളെ എല്ലാവരേയും അറിയിച്ച് വ്യവസ്ഥാപിതമായി തന്നെയാണ് ചെയര്‍മാന്‍ തെരഞ്ഞെടുപ്പ് നടന്നത്. ചെയര്‍മാന്‍ സ്ഥാനം ഏറ്റെടുത്ത ശേഷം തെരഞ്ഞെടുപ്പ് കമ്മിഷന് റിപ്പോര്‍ട്ട് നല്‍കിയിരുന്നുവെന്നും ജോസ് കെ മാണി പറഞ്ഞു. കോട്ടയത്ത് സമാന്തര സംസ്ഥാന സമിതി വിളിച്ചുചേര്‍ത്ത് ജോസ് കെ മാണിയെ കേരള കോണ്‍ഗ്രസ് എം ചെയര്‍മാനായി തെരഞ്ഞെടുത്തിരുന്നു.
ഉത്തരവ് ലഭിച്ച ശേഷം തുടര്‍നടപടികളെന്ന് ജോസ് കെ മാണി