കണ്ണൂർ: ലോക പരിസ്ഥിതി ദിനം മുതൽ വീടുകളും വിദ്യാലയങ്ങളും ഹരിതാഭമാക്കാനൊരുങ്ങി ഔഷധി. ഒന്നര ലക്ഷം ഔഷധ സസ്യങ്ങളാണ് വിതരണം ചെയ്യാനായി കണ്ണൂർ പരിയാരത്ത് തയ്യാറാക്കിയിരിക്കുന്നത്. ഓരോ വീട്ടിലും വിവിധയിനം ഔഷധ സസ്യങ്ങൾ എന്ന സന്ദേശം നൽകുന്നതാണ് ഔഷധിയുടെ പദ്ധതി. സർക്കാർ സ്ഥാപനമായ ഔഷധിയുടെ പരിയാരത്തെ തോട്ടത്തിലാണ് ഈ തൈകൾ തളിരിട്ടിരിക്കുന്നത്. നെല്ലി, കുമുദ്, കറിവേപ്പ്, ആര്യവേപ്പ്, കൂവളം, വേങ്ങ, വാക തുടങ്ങി ഇരുപതിലേറെ ഔഷധ ചെടികളാണ് വിതരണം ചെയ്യുന്നത്. ക്ലബ്ബുകൾക്കും വായനശാലകൾക്കും സന്നദ്ധ സംഘടനകൾക്കും എൺപതിനായിരം തൈകളാണ് കൈമാറുന്നത്.
ലോക പരിസ്ഥിതി ദിനം: സന്ദേശമേകാന്‍ ഔഷധിയുടെ ഔഷധ സസ്യവിതരണം